用全臺文寫字【烏矸仔貯豆油 ê~228露營】
228這个節日是大漢了後看冊才知曉這是台灣的空喙,母語佮台灣的文化嘛是生囡才抾轉來,希望姊妹啊會使用in阿公和阿媽ê語言唱歌、看冊、想代誌爾爾。
好朋友阿孜招阮兜去阿里山露營佮𨑨迌,進前規禮拜攏佇落雨,欲出門前二工就好天囉,實在有夠幸運ê,伊是一个足濟齣頭的人~伊派予逐家無仝款ê任務,實在有夠好耍。
阿如揣 ê所在足特別,佇咧阿里山的半路,差不多1360公尺,規區攏是阮ê,頂面是整理足清氣的竹林仔,囡仔有所在通走傱,安全佮四序,這規工睏了真好。
這擺露營攏是阿孜的朋友,雖然頭一擺見面,猶毋過逐家足趣味閣真有才,阿昌會曉烘麭、作木啊~箸佮湯匙啊算啥物,凊彩舞舞就會使作一支關公ê「青龍偃月刀」;張的會曉搬布袋戲《阮阿爸是歹人》~用關公佮豬尪仔演ê,兩三个細漢囡仔佇遐亂,伊嘛會使紲落去演….。逐家攏是烏矸仔貯豆油~看袂出啦。
烏貓姊 ê 錄音 https://youtu.be/yLOqrUHSOdU
全站熱搜
留言列表